يزخرف المعنى بلؤلؤ ومرجان

السلام عليكم ورحمة الله وبركاته


[center]


دام الغلا من بين الأحبـاب عنـوان

والشعر عنـوان الغـرام ورسولـه

بزخرف المعنـا بلؤلـؤ ومرجـان

عساه مايصعـب عليهـا وصولـه

وإن كان ماحطيت بالشعر له شـان

يحرم علي الشعر عرضـه وطولـه

ولاقول تشبه بالحـلا بنـت لبنـان

الأ جميـع الخلـق ماهيـب حولـه

زين ودلال وهرج معسـول بلسـان

ولها مع الأخلاق صولـه وجولـه

شارع تمـره تنبـت وروده ألـوان

وبيت ٍ تجي يفرش بغالـي زلولـه

لو ترسم بريشـة مصـوّر وفنـان

ويحطهـا فـي متحفـه صفقولـه

ولو تدخل بصالة حفل فيه نسـوان

تحـس بالنسـوان فيهـن رجولـه

ولو مثلت ويّا بطـل دور زوجـان

والله ليبطي مـا نسـى هالبطولـه

ولو جت لبائع واقف ٍ عنـد دكـان

يجوز ينسى سعـر كيكـه وفولـه

ولو مرت العسكر بطابور الأركـان

أمرهـم الضابـط سـلام أرسلولـه

ولو مرت ببغداد جيـش المريكـان

قالوا طريق السلـم شفنـا حلولـه

ولو قالت إركد يا نجاد أحمد إيـران

النووي بكره عـن أرضـه يزولـه

ولو شافها عود ٍ على العشق شفقان

وقام ومشـى والله ليقلـب نعولـه

حبي لها أكثر من هل الصين وألمان

والهند وإحصاء شعب في كل دولـه

ويا ناس مهما أقول ماني بغلطـان

مير الزمن يا ناس يا كثـر هولـه

الوقت صعب ويفرق إنسان وإنسان

وعجزت أميز طلعتـه مـن نزولـه

أقولهـا وأنـا مـن البعـد تعبـان

وضرف الزمن للبعد واضح ميولـه

بس الأكيد أنسـاه مافـي نسيـان

لو الفراق يطـول ويحـول حولـه